اهم اعطال العفشة و بعض حلولها

اهلا بكم في باور ماكس

هعرفكوا انشاء الله النهارده علي جميع أعطال #العفشة 🔧 .. يلا بينا بقي نتعرف عليهم وعلي حل كل مشكلة منهم 💪

1- لو لقيت هزة أو رعشة فى العربية قبل سرعة 100 كم .. #الحل 👇
يبقي العربية عندك عايزة ترصيص أمامى عند أي حد بتاع زوايا.

2- لو لقيت هزة فى العربية بعد سرعة 100 لـ 120 كم .. #الحل 👇
يبقي العربية عايزة ترصيص خلفى عند أي حد بتاع زوايا برضو.

3- لو لقيت هزة مع دوسة الفرامل والعربية بتحدف .. #الحل 👇
يبقي الطنابير فيها عالي و واطي وبكدة هي عايزة تتصنفر أو التيل عايز يتبرد أو يتغير خالص وده الحل الافضل..

4- لو حسيت من فترة للتانية بدواسة الفرامل أحياناّ بتبقي محجرة تحت رجلك .. #الحل 👇
يبقي السيرفو  في اخر ايامه ولازم يتغير.

5- لو لقيت تخبيط وترزيع في الحفر والمطبات .. #الحل 👇
يبقي العربية عايزة جلب مقصات أو بيض إتياش ومنصحش إنك تستني عليها كتير.

6- لو لقيت رجرجة مع الطلعة لو أنت عربيتك مانيوال .. #الحل 👇
يبقي العربية عايزة إسطوانة دبرياج ومنصحش برضو انك تستني عليها عشان الموضوع ميزيدش.

7- لو حسيت بخبطة مع الغيار لو أنت عربيتك أوتوماتيك .. #الحل 👇
يبقي العربية عايزة قواعد موتور.

8- لو لقيت الطارة مبتردش لوضعها الطبيعى بعد الملفات أو بترد بس ببطئ أوي .. #الحل 👇
يبقي العربية عايزة عامود صليبة.

9- لو لقيت طرقعة مع لف الطارة والعربية واقفة .. #الحل 👇 يبقي الإسكاترا بدأت تودع ولازم تتحشي أو تتغير.

10- لو لقيت طرقعة أو طقطقة مع الملفات .. #الحل 👇
يبقي العربية عايزة كبالن ومنصحش برضو إنك تستني عليها كتير.

11- لو لقيت طرقعة فى الغيارات مع هزة أو دبة .. #الحل 👇
يبقي العربية عايزة كبالن داخلية.

12- لو حسيت بتزييق مع لف الطارة وتقل فيها .. #الحل 👇
يبقي العربية عايزة بطاحات.

13- لو حسيت بسخونية دايماّ فى العجل .. #الحل 👇
يبقي بنسبة كبيرة هتلاقي إن تيل الفرامل قافش ومبيردش لوضعه الطبيعي.

14- لو سمعت صوت عالى من بطن العربية أو من ورا مع سحب ضعيف .. #الحل 👇
يبقي غالباّ ده شكمان مسدود.
و طبعاا في حالات شاذه يعني برضو لازم ميكانيكي شاطر يبص بصة علي عربيتك. وتتاكد منه